Begréissung duerch de President vum Rotary Club Dikrech-Ettelbréck
Leif Frënn,
Des Editioun vum Dîner de
Bienfaisance oder och Dîner musical genannt ass eng Editioun Anniversaire. 1999 virun 25 Joer huet laut eisem Club
Historiker d‘Traditioun vun eisem Dîner
Musical an der Hotelschoul, deemols nach Lycée technique hôtelier Alexis Heck, ugefang.
Den alleréischten Dîner Musical war
schons den 1ten Abrell 1998, et war geduecht als een eemolegt Fundraising Event
fir den Erdbebenopfer an Umbrien ze hëllefen, der Géigend rondrem Gubbio wou
eise Member Marc Pannacci gebuer ass a wou eis mat dem RC Gubbio och eng Frëndschaft vebënnt.
Baséirend op dem grousse Succès vun
deser alleréischter Editioun huet eise Club décidéiert all Joer een Dîner
Musical fir hier Bienfaisance ze organiséien an ab 1999 huet den Dîner eng fest Plaz an eisem Kalenner.
Eng 25 jäereg Partnerschaft huet sech
mat der Hotelschoul entwéckelt fir déi mir haut villmols Merci soen.
Des Soirée war ëmmer souwuel kulinaresch
wéi och musikalesch geprägt an e wichtegt Evenement wat eisem Rotary Club erlabt
seng sozial a kulturell Projeen duerch ze féieren. Fir des Editioun vum 25ten Anniversaire
sinn mir rëm op eis Ufaenk zréck komm an et sinn wéi bei den eischten Editiounen rëm Professeren a Schüler
aus dem Museks Conservatoire du Nord, déi de musikalesche Programm gestalten.
Dest Joer ass d'Thema vum Owend eng kulinaresch a musikalesch Rees op Roum wouhin eis och eis Club Rees féiert. Well dëst Joer
eisen Club och säin 60ten Anniversaire feiert, hunn mir nach zousaetzlech eng
Tombola du 60enaire fir iech haut den Owend organiséiert.
Mir sinn frou dass mir mat 100 Leit
haut den Owend de Contingent, deen eis vun der Hotelschoul offreiert gët , komplett
erreecht hunn an sou gët des Soirée vun der Bienfaisance hier e groussen
Erfolleg. Een Deel vum Erléis vun deser
Soirée verwenden mir ëmmer fir Präisser un Élèven vun den Ofschlossklassen bei der Diplomiwwerreechung vum EHTL ze
verginn. Dëst Joer geet de Benefice zousaetzlech an ee Projet mat der Stëmm vun
der Strooss, deen mir insgesamt an desem
Rotareschen Joer mat 10,000 EUR ënnerstëtzen wëllen, woubäi mir dat gemeinsam
mam RC Luxembourg a mam RC Esch maachen.
An mir hunn och décidéiert een aneren Rotary Club den RC Schuman bei sénger
Aktion muer um Weltfraendag ze
ënnerstëtzen, eng ganz grouss Aktioun mat 10,000 Rousen wou de Benefice dest
Joer integral un de Programme Stand Up Rise Up vun den Oeuvres vun der Grande
Duchesse geet. Sou hunn mir fir all Fraen déi den Owend hei sin an eis sou
ënnerstëtzen eng Rous kaaft déi mir iech, léif Dammen um Enn vun der Soirée mat heem ginn.
Léif Frënn an Inviteen ech soen Iech
villmols Merci dass dir den Owend bei eis komm sidd an hoffen dass dir dësen
Owend kulinaresch a musikalesch genéissen waert.
