De Rotary Club Dikrech-Ettelbréck huet während sénger Reunioun vum 20te Mäerz mam Gilbert Reuter de 7te Member am Exercice 23-24 opgeholl. Et war eist Zil eis
Recrutementer virun de 60enaire Feierlechkeeten am Mee ofzeschléissen an et huet sech gelount.
Mir hunn Memberen mat 7 neie Beruffer a Profiller opgeholl, mir hunn eis
Altersmoyenne ganz signifikativ em 2.5 Joer kéinten
ofsenken. Mir hunn sou wuel bei eise Reuniounen an eisen Aktiounen eng ganz
héich Participatioun wat fir e Rotary Club essentiell ass.
Als Club aus der Justizstad Dikrech ass et gelongen mam Gilbert Reuter rëm een aktive
Member aus dem Droit-Barreau ze recrutéieren.
De President Georges Thielen sot dem Gilbert
Merci dass hien sech fir de Rotary entscheed huet a sengem Parain dem Pascal Probst Merci fir seng exzellent Virbereedung.
De Rotary ass eng
Organisatioun vum Service Above Self mat héchsten Uspréch , déi sech ëmmer rëm
selwer hannerfreet. Dat geschitt un Hand vun de véier Rotaresche Froe déi ëmmer à l'Origine vun de Club Decisiounen stinn.
De Gilbert Reuter ass bereed seng Iddien a Virstellungen am Rotary ëmzesetzen a wäert sou eisem Club nei Impulser ginn.
De President huet dem Gilbert Reuter d‘Insigne vum Rotary a Präsenz vun iwwer 30 Memberen an dem Assistant du Gouverneur JM Hoffmann feierlech iwwerreecht an hien soumatt offiziell an de Rotary opgeholl.
Pascal Probst, Gilbet Reuter, Georges Thielen, Jean-Marie Hoffmann (de gauche à droite)
